على ما تفرج

قعدت فتره فاكر ان العسكر متامر وبيحيك المؤامرات العنكبوتيه للقضاء على الثورة و اعتقدت فى المقابل ان الاخوان منظمين وعندهم خطط عمليه معمليه فذه للنهضه و الارتقاء بحال البلد..دلوقتى احلف ان كلنا زى بعض ارزقيه ..يوم بيومه يعنى وعلى ما تفرج...
كل اللى بيحصل غباء فى غباء..توفيق عكاشه مكرر..نفسى اشوف حد ذكى حتى لو شرير للاسف مفيش...الغباء يخنقنا....

قالها لى صديقى.كل اما اصيغله اى طرف مما اتخيله مؤامره وانا هايج و شايط "أزبد و أربد زى ما بيقولوا" و متحمس و عمال اتفتف من شده الثورة على العسكر ..يقول لى غباوه..يضحك و يقوللى هو فيه غباوه اكتر من ان الجيش يحرس صينيه التحرير و يضحك ....و انا ابص له مستغربه...
الحقيقه بعد تفكير ... لا عنده حق ... احنا بلد على ماتفرج وربنا يحلها...عسكر,,برادعى..اخوانى.....حازمى..سلفى..ليبرالى..اشتراكى...مفيش اى فروق ما بينا..كلنا على ما تفرج .....

نيجى للدليل .... الاول:
احنا البلد الوحيد اللى عندهم مجلس شعب بلا صلاحيه ولجنه دستور بلا قواعد وهننتخب رئيس مش عارفين هيشتغل ايه ... على ما تفرج....

عايز تانى :

وهو اللى عمل تعديل الدستور مين..طارق البشرى.قامه قضائيه وفكريه يبدو لك انه ذو عقل خططى على الورق "والنبى اقرا كتبه ومقالاته" ده انا مش كنت مامنه على تعديل الدستور ... ده انا كنت مامنه على حياة عيالى..لكنه فى الاخر مصرى .زى حالاتى يعنى ....طلع تعديلات بزرميط ...مشى حالك ...قول يا باسط على ما تفرج....

نقول كمان:

عايز تتاكد .افتكر كده..عصام شرف رئيس وزراء من ميدان التحرير ... سى فى هايل و شهادات عن دماثة خلقه و نظافه يده و صورة فى التابعى و لا سمير التطاوى و يا سمير يا سمير ...انت احسن وزير و امسك العلم ابو جنيه و اقف فى البورصه تمايل على الاغانى الوطنيه و بعد كده الببلاوى بجلاله قدره نائب ووزير ماليه و من هو الببلاوى قامه من قامات المال و الاقتصاد...عملوا ايه غير حلها من عندك يا كريم ( برضه على ما تفرج)....


هتقوللى ما هى غلطه اللى خطط للمرحله...هقولك لا ابثولوتلى ..كل ما فى الموضوع ان هى دى حياتنا و طبيعتنا كمصريين ... اتفرج دلوقتى على ممثلى الشعب و الشو الرهيب اللى بيتعمل ....برضه مش غلطتهم لانهم زينا ... عادى يعنى مصريين ...شعارنا فى الحياة على ما تفرج و اللى بنى مصر كان فى الاصل ايه ......حلوانى

http://youtu.be/G46gqyi8kQY

تعليقا على الانتخابات

انتخابات فى ظل عدم وجود قواعد منظمه او صلاحيات واضحه للمجلس المنتخب.....ونحن فقط نراهن على وطنيه المنتخبين و مدى ايمانهم بالثورة.....واحد سالنى هى مش الديمقراطيه هى حكم الشعب ....طب خلاص منعمل استفتاء على شرعية المجلس العسكرى ....و ايه يعنى لما مبارك طنطاوى عنان شفيق سليمان يترشحوا للرئاسه ....نزعل نتضايق.....ابثولوتلى ...ما الحكم للشعب....انها حقا لم تكن ثورة ...

وليجلس الليبراليون يشتموا فى الاسلاميين و يشتم الاسلاميون فى الليبرالين و تتدخل الكنيسه و المسجد فى توجيه الناخبين و نقعد نطحن فى بعض بين نعم ولا كلاكيت تانى مره ...ها حد عنده بوست لتجاوزات الحريه والعداله طب حد عنده بوست لقسيس بيامر المسيحيين يبنتخبوا مين.....ما سيحدث مهزله فى تاريخ الى الثورة المصريه و قد كنت امل ان نكون قد تعلمنا من مواقفنا فى الاستفتاء لكننا لم نتعلم و صدق مبارك و عمر سليمان حينما قالوا ان مصر غير مهيأه للديمقراطيه ...للاسف صدقوا واعتقد انهم لم يكونوا يقصدون الشعب انما كانوا يقصدون النخبه

علمتنى تجربة الاستفتاء ان الثورة وحده والانتخابات تقسيم وفتنه......ولا يجب ممارسة ما يقسم الا بعد تحقيق اهداف ما توحدنا من اجله.....علمنى الاستفتاء ان النخبه فاسده وغير متفقه الا على الخيانه...خيانه الثورة على الاقل....

الاستفتاء قسمنا الى حزبين...الى كم حزب ستقسمنا الانتخابات

انهم يلعبون على فرقتنا و يعلمون ان قوتنا فى توحدنا.....وكل خطوة نزداد فرقه

اسف ....لن ادخل لعبتكم و لن اشارك فيها...

قلت بعد الاستفتاء واقولها ثانية ....لن اشارك الا و قوى المجتمع متوحده على مواجهه الظلم و الطغيان و ليس على الاختلاف و التنازع ......للاسف هذه الثورة لا تحتمل الفرقه.....

احتمال كبير ان اكون مخطا لكننى لن اشارك فى جريمة اجهاض حلمى ......اجهاض الثورة

ماذا نواجه:

عدو يملك كل الادوات و الحمد لله الادوات كتير....اله اعلاميه جباره....الاف و احتمال ملايين البلطجيه.....امن سافل.....مليارات ليس لها حصر.....تحالفات مع رجال الاعمال و العديد من السفله الذين يندسون وسطنا.....بسطاء لا عقل لهم وان لم يعدموا التعليم يرمون اذانهم و عقولهم للاعلام ........هذه مقدمه  يجب ان نضعها فى اعتبارنا لتحليل موقف الاخوان المسلمين من الاحداث فهم الان فى مواجهه تخوين لا حد له....الان فقط يجب ان نقول انهم بشر لهم اخطاؤهم كجماعه و بينهم العديد من ناقصى العقل مثل باقى الشعب و لكننا الان نحاربهم بالرغم من انهم لم يحاربونا و ليسوا هم من قتلونا.....

فى رايى المتواضع الاخوان يعلمون حجم ما نواجهه و يسعون بكل جهدهم لمنع تحويل الثورة المصريه الى انقلاب كامل من الجيش....

لو عدنا الى الوراء نجد انهم سعوا بكل عزمهم للموافقه على التعديلات الدستوريه و اخذنا موقفا معارضا لهم و ظهر انهم على حق حيث اتاحت التعديلات الدستوريه لنا مناخا ديمقراطيا موجبا بالدستور و يلغى حاله الطوارئ خلافا لما كان يمكن ان يحدث لو اضطلع الجيش بكتابه الدستور كاملا..حقا الطوارئ لم تلغى الا ان هذا دليل على سفاله من نواجه فهم يعتقدون - وهو الى الان حق- ان بيدهم مقادير الامور

النقطه الثانيه انهم اعترضوا و حزروا من كثرة المليونيات و الان نكتشف انهم لديهم الحق و لننظر الى الشارع حولنا ورأيهم فى الثورة ولا نكابر فى هذا الامر فحتى اهالينا فى البيوت يرون انها عبا وهذا بفضل سموم اعلام المجلس

ثالثا الانتخابات على الرغم من كل ما نراه فى عوار يحيط بها الا انهم يرون ان الانتخابات التشريعيه هى الملجأ لتكوين جبهه شرعيه فى مواجهه المجلس وخطوه هامه على طريق الديمقراطيه و يأملون أنهم يستطيعون حمايه اللجان من التزوير و هو ما اتمناه لانه لو لم يحدث سنصبح فى اكبر أزمه تشهدها مصر و طبعا الحل لها عند البسطاء هو المجلس

اما بالنسبه للاحداث الاخيره فهم يرونها فخا للثورة تمهيدا لاتمام الانقلاب كاملا وهو ما بدا يتحقق من قبل الجيش واظهاره ان المصريين منقسمين و هو حقيقى فالعديد من مشاركى العباسيه على قله عددهم ليسوا مأجورين وها هو المجلس يهدد بالجوء للاستفتاء على شرعيته...وكلنا من رواد التحرير نعلم مدى انقسام الناس حتى فى التحرير ومدى الاختراق الحادث للميدان....صحيح من يقتل و تفقا عيونهم هم احرار وخيره من فبه الا اننا لا نجد تفسير لما يحدث فى شارع محمد محمود الا انه فخ ياكل خيره شباب مصر لغرض معين لا نعرفه وهذا هو رايهم ويعلمون انهم موضوعون بين شقى الرحى لو شاركوا سيكتمل فخ الانقلاب و لو لم يشاركوا سيتم اتهامهم بالخيانه و هو ما يحدث الان...

اخيرا ...نحن ننظر الى 25 يناير على انه ثورة و يجب ان تكتمل الا ان الاحداث و تقدير حجم ما ومن نواجهه يفرض علينا ان نضع فى حسابنا انه تم استخدامه بارادتنا ليتحول الى انقلاب حيثث اننا من وضعنا باختيارناعسكريا وزير دفاع مبارك ما يقرب من عشرون عاما على راس السلطه...

يا اصدقائى مازلت انادى الا ننساق نحن الاخرون الى الاعلام فالواضح بما لا يدع مجالا للشك ان الاعلام و الاحداث تحولنا عن عدونا الاول الى الاخوان و الاسلاميين ...هؤلاء ليسوا اعداءنا اما العدو الحقيقى فهو كل مستبد ...فلتعملوا عقلكم ولاصدقائى من الاسلاميين الغير منصفين ارجوكم لاتتعالوا علينا فانتم لستم بخيرمنا و ليس اسلامكم افضل من اسلامنا ولتحببوا الناس فى الدين ولا تنفروهم منه واشعرونا بانتماءكم لمصر اكثر من انتمائكم للجماعه

هذه شهادتى انا المحسوب على التيار الليبرالى فى هذا الوقت العصيب راجيا من الله ان يكمل هذه الثورة بفضله ويمنع بعونه الانقلاب

عدة اسئله بلا اجابه

لا يستطيع اى انسان لديه ضمير انكار وطنيه و جراة و شجاعه ابطال شارع محمد محمود...لكننا للاسف نتعامل مع يهود يفكرون ويخططون ...وهنالك العديد من الاسئله تراودنى لانى فى الاساس يملؤنى الشك ودائما اعمل عقلى فى الاحداث بعيدا عن العاطفه..فرجاءا تحملنى و لتجد اجابات عن اسئلتى ان وجدت....
كل مراقب فى الايام السابقه يلاحظ اصرار الجيش على التصعيد لاذكاء الثورة من جديد بدءا باحداث ماسبيرو مرورا بحبس علاء عبد الفتاح وانتهاءا بفض اعتصام 19 نوفمبر...فلنعد للاسئله
اول سؤال ..هل تستشعر نيه تصعيديه من المجلس فى الفتره السابقه ؟؟؟؟؟ 
ثانى سؤال...العسكر اخلوا الميدان فى ربع ساعه و فى حركه غريبه جدا انسحبوا لماذا؟؟؟؟؟؟؟؟
ثالث سؤال...الميدان طوال الاحداث كامل الاناره...هل يستطيع المجلس قطع الكهرباء..نعم..لماذا لم يقطعها ؟؟؟؟؟؟؟
رابع سؤال....هل القنوات الفضائيه المملوكه لرجال الاعمال لديها الجرأه لاذاعه الاحداث غصبا عن المجلس ؟؟؟؟؟؟؟؟
اخر واهم سؤال ...ما هو المخرج مما نحن فيه.....لجانا الى الله ثم المجلس العسكرى للتخلص من مبارك ولا تنسون ان المجلس كانت له مصلحه فى التخلص من التوريث...الان الى من نلجا بعد الله للتخلص من المجلس خاصه ان النخبه والقوى السياسيه سقطت......ستقول لى الشعب ...الشعب فى المياديين كيف سنمكنه من السلطه ؟؟؟؟؟؟
اعذرونى لسخافتى لكنى اريد ان اتيقن هل ما يحدث هو خطه من المجلس تمهيدا لحدث ما يغرق الثورة اكثر واكثر ام ان الله يحمى ثورتنا  ليمنحنا حريتنا...يارب انت القوى ونحن الضعفاء...فارحمنا وانر بصيرتنا وايدنا بقوتك فنحن لا نبغ الا الخير

كيف كنا بهذا الغباء

18 يوم فى الميدان شهدت اروع ما فى مصر ...فى يوم منها كنت اجلس مع مستشار من كبار المحامين فى الدوله ووجدت نفسى بدون سبب منطقى بسخن الراجل و اقوله ان الحل فى تولى المجلس العسكرى للسلطه ...تبادر الى ذهنى انه الحل العبقرى للتخلص من الطاغيه...و تحقق ما تمنيت و ما تمنيناه جميعا و توالت الاحداث و اسقط المجلس الدستور ليتولى ادارة البلاد بارادتنا .....وكانت  الطامه الكبرى ...تخلينا بسذاجتنا المعهوده عن حلم اول رئيس مصرى مدنى...الثورة كانت ترفع شعارين سياسين الا وهما اسقاط النظام و مدنيه...فلا حققنا هذا ولا ذاك...خلعنا مبارك الدكتاتور ولم نسقط نظامه بل تركنا الحكم لاحد اركان نظامه ووزير دفاعه لمده عشرين سنه و من تحته قاددة جيوشه اللذين اتى بهم مبارك من قهوة المعاشات ليحكموا باسمه افرع الجيش المصرى...خلعنا مبارك العسكرى لنلغى حكم العسكر لمصر و على راى يوسف وهبى ياللهول اتينا بالمشير وزير الدفاع رئيسا

و من وقتها واتباع مبارك "جنوده المخلصون" لا يالون جهدا فى تمزيق القوى الثورية و تحطيمها بدا من استفتاء و انتهاء بوثيقه فوق دستوريه و تنبهنا مؤخرا الى دور الجيش فى الاحداث و منها على سبيل المثال لا الحصر موقفه من موقعه الجمل ..تنبهنا الى دوره المشبوه  فى الاحداث بعد مقتل ما يزيد عن 23 مصرى فى ماسبيرو

نحن الذين اضعنا بغبائنا فرصة ان يكون لمصر رئيس مدنى..... اول رئيس مدنى من 1952....رئيس المحكمه الدستورية العليا ...اضعنا التمسك بالدستور بعد تعديل شروط الترشح لرئاسة الجمهوريه و اجراء اول انتخابات حقيقيه للرئاسه فى خلال ستين يوم ....نحن بايدينا اسقطنا مصر و اعدناها فى طبق من دماء الشهداء الى مبارك و حاشيته ....بايدينا نحن ...النخبه و مدعين الثوريه

اقولها الان...وجود المجلس فى الحكم غير دستورى و غير شرعى....هذا المجلس المباركى لا يمثلنى ...اقولها للاسف بعد فوات الاوان

ارهاصات التحرير...بين الثورة و التغيير....فى تنصيب المشير

افكارغير موضوعيه ....فى وصف الثوره المصريه....بدءا من طشة ملوخيه

او

افكار موضوعيه......فى وصف ثورة غير مصريه....انتهاءا الى طشة ملوخيه

30 سنه فاتوا

نهبوا ثرواته

سرقوه فى حياته

و الشعب اسير

فرحان بسوزانه

و بفكر تيرانه

عزمى وجيرانه

وسرايا تعبير

هيئ له جنانه

بصورتنا فيرانه

يجيب ابنه مكانه

على مصر أمير

الفار و الفاره

طلعوا بجساره

من باب الحاره

ثاروا فى التحرير

والعسكر ظهروا

لسلاحهم شهروا

وقفوا و انبهروا

والفكر عسير

من شاب فلاتى

يصرخ و يهاتى

بلدى دى حياتى

عايزين تغيير

عملوا هليله

ملايين كذا ليله

فشالوه هيلا بيله

على شرم أسير

مساواه حريه

عدل و ثوريه

للشهدا تحيه

والسر فى بير

المجلس يحكم

يأمر يتحكم

فى الثورة يلملم

طبطبه و زئير

و شفيق يطنطط

هايص و مزقطط

فى اليغمه يبلبط

و بلوفره خطير

كرباج أسوانى

يبرق فى ثوانى

قنديل آه يانى

و يشيلوا الزير

اطمن يابنى

واسكت بقى يعنى

حكمك صار مدنى

والحمل تقيل

عدلوا دستورنا

صبحى واخوانّا

قطعنا دماغنا

ومفيش تفسير

دستور يا اسيادنا

كده برضه جزتنا

نوهبكم روحنا

تسوقونا حمير

من دولة أمنى

للامن الوطنى

فرقعتم حسنى

وده برضه بديل

فتنه طائفيه

وسؤال عذريه

حركات سلفيه

والاسم عبير

الجيش يتفرج

واقف ما اتحرك

و الشرطه تهرج

ثورتنا تطير

معونات دوليه

حوارات تقليه

وفلول وطنيه

منكر و نكير

يا شهيد ايه مالك

قتلوك فى مكانك

فى اتنين فبراير

سلامات يا كبير

طاروا بالقدره

والجيش ولا يدرى

خرجوا من النزله

والسكه حرير

على درب مبارك

سبحانه تبارك

يخلق و يصنّع

 من شبهه كتير

يا شبابنا الغالى

ده جميلكم عالى

نيتكم صافيه

والفعل اصيل

يا عيال رجاله

أمرا و خياله

شيلتوا اللى ما يسوى

واتبقى مشير